ORANJESTAD (AAN): Renaissance Wind Creek Aruba Resort ta sigui inverti den e experencia di bienestar pa su bishitante cu e inauguracion di su
gym nobo ‘REVIVE Wellness Center” na Renaissance Ocean Suites. “REVIVE” ta exclusivamente disponibel pa bishitante di e resort, e facilidad moderno aki ta conta cu e mihor ekipo di “Life Fitness” y un dek espacioso pa yoga den ora nan tempran di mainta durante e subida di solo.
Den un ceremonia familiar di cortamento di cinta, Sra. Stephanie A. Bryan, Tribal Chair y CEO di Poarch Band of Creek Indians, a ignaura e facilidad, reforzando e compromiso di Renaissance Aruba cu salud, condicion fisico y relahacion. E gym lo ta habri 24 ora pa dia y ta solamente pa adulto, esaki ta ofrece lockers moderno, un varacion extenso di machinan pa mantene nos huespednan activo y un banjo cu showers pa ofrece mas comodidad. Esaki ta pa acomoda nos huespednan cu ta en busca di entrenamento den ora nan laat of un seccion di recreo parti anochi, nos centro di fitness ta garantisa un experencia di bienestar luhoso y sin molester.
‘REVIVE” ta e gym mas reciente renoba pa e compania local “Zulo Achitects” conhuntamente cu nos equipo prefesional di mantencion di e resort den e ultimo seis lunanan. Otro espacio nobo ta e "spa coves" na Renaissance Island, caminda huespednan por relaha den un ambiente trankil, priva, bandi lama memei di naturalesa.
“Nos huespednan ta busca balansa—sea ta e trankilidad y exclusividad di nos isla priva, Renaissance Island of manteniendo nan rutina di fitness durante nan vakantie,” asina Sr. Paul Gielen, General Manager di Renaissance Aruba a splika. “E adicion di nos gym nobo ta alinea cu nos vision pa ofrese facilidadnan di bienestar di nivel mundial den un ambiente agradabel.”
