ORANJESTAD(AAN): Dia 17 di Mei ta celebra e asina yama ‘World Hypertension Day’ y relaciona cu esaki,
Plataforma Promocion di Salud ta bezig cu diferente instancia, pa concientiza hende henter siman riba presion halto. Esaki Jasmira Mora, coordinador POH di Wit Gele Kruis, a splica Dialuna.
Segun Mora, tur pashent cu a drenta cu presion halto of no, a ricibi a wordo examina. “Esaki ta algo bon, pasobra no ta tur hende ta check nan presion y e parti hopi bon di esaki ta cu e resultado ta drenta e file di pashent den computer mesora”, segun Mora.
El a splica cu e evento di e asociacion di docter di cas HAVA ta sigui te cu 17 di Mei, unda cu asistentenan di docternan di cas ta check presion di tur pashent cu bishita e consultorio. “Tambe Plataforma a percura pa informa e boticanan y tur di nan lo participa”.
Diaranzon dia 17 di Mei di 09:30 te cu 11:30 nan lo check e presion di tur empleado di Wit Gele Kruis y claro si tin hende cerca di e oficina principal na Koningstraat 22, ta ms cu bon bini pa pasa un rato y nos lo check nan presion gratis, segun Mora. El a sigui bisa cu SVb tambe ta bezig ta check presion di hende, mescos cu Hospital.
Ta importante pa hende check nan presion regularmente, pasobra si bo ta sufri di presion y bo no sa, bo no ta sinti nada realmente.
Pesey ta pone mas enfasis riba esaki, pasobra tin hendenan cu ta cana añanan largo cu presion halto sin sa.
