Reinanan Folklore-Cultural ta cla pa e paradanan di weekend aki

ORANJESTAD (AAN)- Diasabra anochi a tuma lugar den  Centro di Bario Brazil Aruba, e acto di coronacion y shownan di e Reinanan Folklore-Cultural 2022.

        Cada candidata a haci nan desfile cu nan trahe cultural y na unda sigur Aruba completo por scucha e descripcion di cada trahe cultural y nan inspiracion cu diseñonan di antes y tambe di nos folklore.

            E actividad a ser organisa pa Fundacion Chico Harms relaciona cu celebracion di e tradicional dia di Dia di Brazil.  

            E reinanan cu lo guia e paradanan Folklore Cultural a keda den representacion di:

Baby Folklore- Cultural 2022: Lie-shenly Flanegin, representando su grupo: Fundacion PRO Cultura Arubano. 

Chikitin Folklore- Cultural 2022: Crisbel Alejandra Ayala Gutierrez, representando su grupo: GucciDancers Aruba. 

Prenda Folklore- Cultural 2022: Nealaney Tromp, representando su grupo: Grupo di Baile Dabaruida y Fundacion Rosea Cultural y su scol Colegio Laura Wernet Paskel. 

Damita Folklore- Cultural 2022: Analys Kock, representando su grupo: Grupo di Baile Dabaruida y Fundacion Rosea Cultural. 

Dama Folklore- Cultural 2022: Leedha Harms, representando Grupo di Antaño. 

Gran Dama Folklore- Cultural 2022: Jelisse Sharlyne Boekhoudt, representando: JenniVe Hi-Fashion Couture. 

Dama Grandi Folklore- Cultural 2022: Antonia Hilario, representando su grupo: Fundacion PRO Cultura Arubano. 

Pilar Cultural: Zenovia Wever. 

            Fundacion Chico Harms ta para fuerte pa mantene na halto tur loke ta nos cultura y tradicion y alaves ta invita Aruba completo pa acudi masalmente pa presencia e 2 paradanan na caminda, esta Parada cu Lanterna cu ta tuma luga diabierna 2 di September y e tradicional Parada Folklore Cultura cu ta tuma luga dia 4 di September 2022.