Reina di windsurfing Sarah Quita Offringa a yega Aruba

ORANJESTAD (AAN): Atleta arubiano reconoci mundialmente den mundo di windsurfing Sarah Quita Offringa a yega Aruba diahuebs anochi, despues di bolbe gana titulonan importante na Francia.

DIARIO a papia cu Sarrah-Quita na su yegada na aeropuerto for di Francia y el a bisa cu e ta hopi contento di ta bek na cas, cansa pero felis di por a bolbe laga Aruba su nomber resona internacionalmente.  

Sarrah- Quita a titula campeon mundial y logra e di 18 y 19 titulo den e tour di Professional Windsurfing Association (PWA World Tour) na Francia.

El a gana e titulonan mundial den Free & Slalom.