ORANJESTAD (AAN): Dia 1 di mei, 2025, pa 6:00 pm, e registracion di Aruba Bank Walk & Run 2025 ta habri!
Tur esnan cu ta cla pa forma parti di e magno evento aki por registra online, via e Aruba Bank Walk & Run App, of via e pagina di Facebook di Aruba Bank.
E aña aki tin 100 lugar adicional en conexion cu e di 100 aniversario di banco. Una bez cu yega e cantidad di 2600 registracion, por sigui registra riba e lista di espera “wachtlijst””. Una bes cu bo registra bo ta haya un email cu bo number di confirmacion. E ultimo cinco numbernan bo ta uza pa haci bo pago di 25 Florin y confirma bo participacion. Por haci transaccion online of paga cu Debit card na IBISA.
Entrante 5 di mei por busca pakete solamente na IBISA Oranjestad di 8:00am-4:30pm. Riba diaranson 7 di mei nos tey te cu 7:00pm. Entrante diahuebs 8 di mei ta habri a base di “first come first serve”, pues tur esnan riba wachtlijst tambe por haci nan pago y forma parti di Aruba Bank Walk & Run tanten cu tin lugar. Aruba Bank Walk & Run 2025 ta dianan 19, 20, 21 y 22 di Mei.
