‘Request for Proposal’
ORANJESTAD (AAN): Refineria di Aruba (RDA) e siman aki a habri oficialmente un Peticion Internacional pa Oferta (‘Request for Proposal’ conoci como RFP) pa demolicion di dos chimenea di beton di 300 pia halto, como parti di e proyecto di siguridad energetico di Aruba.
RDA ta invita contratistanan cualifica y cu experiencia pa registra nan interes pa participa den e proyecto aki. E trabaonan ta inclui: (*) Ehecuta un inspeccion y evaluacion detaya di e sitio. (*) Prepara e sitio y establece e zonanan di exclusion necesario. (*) Determina y valida e metodonan apropia di demolicion, basa riba e mihor practicanan reconoci den industria.
Tambe pa: (*) Baha e componentenan desmantela di forma controla. (*) Separa, procesa y elimina materialnan di desecho di forma responsabel. (*) Limpieza final di e sitio di proyecto. (*) Participacion di forza laboral local ta wordo recomenda fuertemente.
Considerando e caracter tecnico di e proyecto, siguridad y cumplimento cu tur regla y requisito aplicabel lo ta central durante henter e proceso di seleccion y ehecucion. Pa demostra cu nan ta eligibel pa sigui participa, tur candidato interesa mester completa un proceso di preseleccion cu exito.
Esaki ta inclui entrega obligatorio di un Health, Safety and Environment (HSE) Scorecard.
Contratistanan y companianan cualifica cu tin interes pa participa mester registra mas tarda: Ultimo fecha pa inscripcion: Diabierna 2 di october 2026, 5:00 p.m. Registra bo interes na e email aki: This email address is being protected from spambots. You need JavaScript enabled to view it.
