Jeanine Tromp, Trahado Social di CEDEHM:
ORANJESTAD (AAN)-- Jeanine Tromp, Trahado Social di CEDEHM, a sigui splica, den entrevista cu Matutino DIARIO, cu e 'Red Tent', cu nan ta organizando, no ta bay ta solamente riba Menopause, pero tin diferente tema mas.
Cada luna lo tin otro topico, y nan ta bay enfoca hopi riba salud mental, tambe e aspecto di luto, con pa yuda bo mes cu presupuesto.
Nan ta bay duna informacion riba nan facebook page, unda ta bay laga sa e fecha y tema cu ta bay wordo trata. Ademas ta bay desaroya mas proyecto pa hende muher, Jeanine a bisa.
El a reitera cu tur e tayernan di trabao di CEDEHM ta gratis, ta djis yega pa haya informacion.
“Nos ta traha hopi cu otro organizacionnan internacional, cu ta enfoca riba asuntonan cu ta pasando, y cu CEDEHM ta mira cu na Aruba tambe ta sosode”, Jeanine Tromp a duna di conoce.
Pa inscribi por subi nos facebook page, cu ta cedehmaruba, y via telefon 588-1391.
