Hose Figaroa di FTA:
ORANJESTAD (AAN): Presidente di Sindicato FTA, Hose Figaroa a duna un bista di e desaroyonan den sector laboral pa loke ta 2021 y inicio di 2022.
El a bisa cu 2021 a cera na un forma positivo y a mira un recuperacion hopi mas lihe cu cualkier experto a kere cu Aruba lo recupera.
A señala cu na cuminsamento di aña esey a cay un poco door di e variante omicron, cu a haci un impacto basta grandi. Esey ta indica tambe cu den e prome kwartaal di aña, esaki tabata crucial pa tur hotel na Aruba.
FTA ta contento di bisa cu mientrastanto e temporadanan ta mustrando hopi miho. Pues e recuperacion ta hopi satisfactorio y cu pronto lo por ta bek na e cifranan di 2019, cu tabata un aña excepcionalmente bon pa Aruba, a remarca.
E proyeccion ta mustra bon y ta spera cu tur cos por keda cana manera ta canando, Hose Figaroa di Sindicato FTA a declara.
