ORANJESTAD (AAN): Hobennan di Aruba por inscribi un biaha mas pa e programa di entrenamento militar di Aruba.
Pa medio di un campaña di reclutamento nobo, Defensa region Caribe tin como meta pa encurasha hobennan di 18 pa 27 aña pa sigui e training militar aki.
Pa duna e hobennan un idea cla di e entrenamento y e trabao, varios actividad ta wordo organisa den e periodo benidero. Esakinan ta inclui sesionnan di informacion na scolnan y presencia di militarnan di Aruba na ferianan di karera, y otro eventonan unda hobennan por sondea y orienta nan opcionnan pa futuro.
Militarnan Arubano (ARUMIL) ta un unidad operacional poni bao di mando di Comandante di Forzanan Naval den Region Caribe (CZMCARIB). E unidad aki por wordo desplega pa e tres tareanan nucleo di Defensa den Caribe. Personal ta sirbi como ambtenaar di e pais Aruba mientras ta wordo secundaria na CZMCARIB.
Interesa pa inskribí pa e entrenamentu militar di Aruba? Bo por haci esaki for di awor te ku fin di desèmber via werkenbijdefensie.nl/arumil
