Recepcion na honor di Gladys kende a baha cu merecido pensioen

ORANJESTAD (AAN): Un ceremonia special tabatin recien na Departamento di DVG,

unda tur hende a presenta pa asina despedi di un fenomenal empleada, kende awor ta baha cu su merecido pensioen.

   Ta trata aki di Gladys Angela-Ventura, kende awor ta baha cu su pensioen.

   El a cuminza na DVG riba 24 di December 1987 como ‘werkster’ na Departamento di Salubridad Publico, y awor el a despedi como Bode Eerste Klas, despues di 37 aña di servicio.

   Gladys ta tanchi grandi stima di Ministro Wendrick Cicilia, kende tabata presente y a dirigi palabra.  El a splica cu awor e casa Elvis Angela lo gosa di su compania na cas hunto cu su 3 yiu y 4 nieto.  Na nomber di DVG y di Gobierno, el a gradici tanta Gladys pa su bon servicio.