ORANJESTAD (AAN): Dialuna mainta na Hulp Bestuurskantoor San Nicolas tabatin un ceremonia special caminda Prome Minister Evelyn Wever-Croes tabata presente pa asina haci algun anuncio importante.
El a bisa
esaki tabata un momento hopi particular pa ta para eynan dialuna na momento cu ta habri e localidad nobo di HBK San Nicolas.
E mandatario a laga sa cu dia 31 di October 2022 na un forma repentino mester a cera e localidad anterior debi cu e lugar a wordo afgekeurd ya cu e no tabata adecua mas ni pa esnan cu ta traha eynan ni pa e clientenan.
E unico alternativa tabata pa cera y nan a bay traha na HBK na Savaneta pa e ultimo dos luna y mey. Mientrastanto a cuminsa traha mesora pa habri e localidad nobo na San Nicolas, cual dialuna a bira un realidad.
Dialuna e ricibi e prome clientenan caba den un establecimento mas nobo, moderno y cu ta cumpli cu tur e normanan y standardnan necesario. Kier a keda cla den luna, pero a tuma dos luna y mey, Wever-Croes a indica.
Mester remarca, cu HBK San Nicolas a habri na e edificio di Refineria di Aruba (RdA).
