RBC ta organiza su Global Citizens Conference 2023 na Bahamas

ORANJESTAD (AAN): Den un poderoso testimonio di conexion humano y dedicacion,

RBC Royal Bank a celebra e contribucion exceptional di casi 100 colega di henter mundo durante e Conferencia Global Citizens di RBC, teni di 18 pa 23 di januari na Bahamas.

   E premio, cu a cuminsa na 2016, ta celebra empleadonan cu ta voluntario activo, tanto den RBC como fuera di RBC, y cu ta cousa un cambio social positivo pa medio di nan accionnan. E ganadonan, incluyendo cuater di Caribe: Roxanna Cordner, Trinidad y Tobago; Wendy Riberio, Trinidad y Tobago; Joanaila Geerman-Lacle, Aruba; Claricia Hart-Sprott, St. Maarten, a worde reconoce pa nan esfuerso extraordinario pa duna bida na e proposito di RBC pa yuda comunidad prospera. Como parti di e actividadnan, tambe a haci donacion na dos organizacionnan no gubernamental na Bahamas.

   E ganadornan di e premio Roxanna Cordner y Claricia Hart-Sprott a expresa nan profundo gratitud y inspiracion.

   "Ta bon pa ta entre hende cu ta haci asina hopi pa nan comunidad, y ta simplemente un sensacion acogedor pa mi, biniendo di e chikito isla di Tobago, pa mira tur otro hende di tur caminda di mundo pone nan parti pa haci e mundo aki un luga miho," Cordner a bisa.

   "Mi a conoce algun colega simpatico for di henter RBC y ta impresionante con conexion, trabao den ekipo y colaboracion por logra completa, ora cu nos ta traha huntu. E actividadnan den cua nos a participa ta yuda construi comunidad y mustra e forsa di e famia RBC," Hart-Sprott a bisa.

   E conferencia a brinda e ganadonan y nan bishitantenan un baño cultural atraves di actividadnan comunitario, trabao voluntario, networking cu coleganan cu e mesun pensamento for di henter mundo y e oportunidad pa interacciona cu ehecutivonan halto, y tambe un tiki di diversion!

"Mientras nos ta celebra e dedicacion extraordinario di nos RBC Global Citizens, nos ta recorda e podernan di accion colectivo," LaSonya Missick, Managing Director di RBC na Bahamas y Islanan Turco y Caicos, a bisa.

   "E compromiso di e hendenan aki cu nos proposito principal di yuda comunidad prospera no solamente ta un inspiracion, pero tambe ta un forsa impulsor pa e impacto positivo cu nos ta buscando pa logra adkiri na nivel mundial. Nan pasion y liderazgo den participacion comunitario ta bay mas leu cu nan trabaonan diario y ta ehempel di loke berdaderamente ta nifica ta un Ciudadano Global," el a agrega.

   Durante e conferencia, e Global Citizens a participa den dos iniciativanan comunitario practico cu Bahamas National Trust (BNT, Fondo Nacional di Bahamas) y Agricultural Development Organizations (ADO, Organizacion di Desaroyo Agricolar). E iniciativanan aki ta subraya e importancia di maneho ambiental y sostenibilidad, reflectando e compromiso di RBC pa cu e cuido di medio ambiente.

   Ademas di e participacion di Global Citizens na BNT y ADO, RBC a demostra su compromiso cu comunidad y sostenibilidad ambiental door di duna BSD $10,000 na cada un di e organizacionnan. E contribucionnan aki ta yuda pa nan avansa den nan misionnan vital, proveyendo recursonan pa sostene y expande nan programanan impactante.

   Aña pasa, e banco a duna BSD $20,000 na BNT pa sostene nan trabao continuo den proteha medio ambiente di Bahamas. E donacion tabata parti di un bishita na Bahamas cu tambe a celebra e ganadonan di Global Citizen di e aña ey. Ademas, e banco a contribui adicionalmente cu otro BSD $50,000 na ADO pa yuda financia desaroyo di huertonan (greenhouse) comunitario y pa provee setnan di hardin pa bario na henter Bahamas.

   Titularnan: RBC Global Citizens 1 – LaSonya Missick, Vice-Presidente Regional di Banco Personal y Priva di RBC y RBC FINCO y Director General, Bahamas y Islanan Turco y Caicos ta presenta un recibo di transferencia digital na balor di $10,000 na Chantal Curtis, Planificadora di Parkenan di BNT y Gerente di Parkenan di New Providence.

   RBC Global Citizens 2, 3, 4 –Global Citizens di RBC tabata voluntario na Fondo Nacional di Bahamas.

   RBC Global Citizens 5 - Lolita Guerrera, Vice-Presidente di Mercadonan Comercial di RBC y Reverendo Patrick Paul, Organizacion di Desaroyo Agricolar.

   RBC Global Citizens 6, 7, 8 – Ciudadanonan Global di RBC tabata voluntario cu Organizacion di Desaroyo Agricolar.