ORANJESTAD (AAN): E steering committee Foro Adulto Mayor (FAM) a haci entrega na Ministro Ursell Arends, e rapport "Waarborging van levenskwaliteit voor ouderen op Aruba".
E rapport presenta ta e resultado di un estudio profundo realisa den tres area clave, cu participacion amplio di experto y organisacionnan relevante. E rapport ta sirbi como un mapa strategico, cu lo guia e pasonan cu mester tuma pa mehora calidad di bida di nos adultonan mayor na Aruba na un manera sostenibel.
E enfokenan principal ta riba vivienda adecuado, bienestar general, accesibilidad na cuido, y sosten financiero pa garantisa un bida digno pa nos adultonan mayor awor y den futuro. A duna danki na miembronan di e comite Tisa la Sorte y Desiree Helder pa e entrega.
