ORANJESTAD (AAN) – Director di Departamento di Naturaleza y Medio Ambiente, señor Gisbert Boekhoudt, a participa den conferencia di prensa di gobierno,
Diaranzon mainta y, pa cuminza, el a expresa cu esaki no ta prome biaha cu DNA ta elabora riba e rapport CARMABI (The Caribbean Research and Management of Biodiversity) , y a trece pafo e resultadonan di dicho rapport.
Boekhoudt a bisa cu e rapport CARMABI ta un investigacion realiza a base di e situacion di e condicion di lama, na unda e coralnan ta. Esaki, cientificamente, ta un sistema specifico y e rapport ta duna e condicion di e coral.
El a agrega cu locual tambe DNA a puntra, na esnan cu a haci e investigacion ta di unda e drivers ta, kico ta e cosnan cu ta causa e impacto riba e coral, y esaki tambe e departamento a haya.
Boekhoudt a conclui su presentacion bisando cu e condicion di lama tin su origen, sea den lama mes, riba lama, of fo'i tera. Seguidamente, el a pasa palabra pa e Beleidsmedewerker di DNA. Den otro articulo DIARIO lo referi na esaki.
