ORANJESTAD (AAN): E sorteo di Diabierna 3 di September 2021 di MiniMega tabatin 440.000 Florin como prome premio, y su bo paga 2 Florin extra bo ta hunga MegaPlus tambe, y e ora e suma ta bira 570.000 Florin.
E numbernan cu a sali riba Diabierna anochi tabata 02, 08, 09, 29, y e Megaball tabata 06.
Esey ta exactamente loke Ramon tabatin riba su ticket! Y el a cumpra e Megaplus tambe.
Pesey riba Dialuna el a presenta na oficina di Lotto pa reclama su premio. Aki mesora a revisa e ticket pa check si el a pone su firma na e banda patras. Despues di esey, nan a scan e barcode den e computer.
E computer di Lotto intantaneamente a indica, cu Ramon a gana e premio mayor, y tambe a gana e megaplus. Pues 570.000 Florin.
Mesora a cuminza e proceso pa transferi e premio electronicamente pa su cuenta di banco. Ramon a indica cu e ticket ganador el a cumpra na Monserat Lottery na Noord.
