ORANJESTAD (AAN): Un di e weganan di mas popular di Lotto keto bay ta Zodiac. Aki bo ta escoge un number consistiendo di cuatro cifra, y bo ta agrega un signo zodiacal na dje y ya bo ta den wega.
Esey ta loke Aubrey a haci tambe, y el a participa den sorteo y a gana!
Pesey Diaranson siman pasa el a presenta na oficina di Lotto na Playa pa reclama su premio. Aki mesora a revisa y scan e barcode riba e ticket, y e computer a indica cu el a gana 12.500 Florin cu sorteo di Zodiac anochi.
A start e ora e proceso pa transferi e premio electronicamente pa su cuenta di banco. Aubrey a indica cu e ticket ganador a wordo cumpra na Big Ten 2.
