ORANJESTAD (AAN): E organizacion local Rainbow Warriors Core Foundation, a expresa nan opinion e siman aki,
cu den nan bista e Servicio Meteorologico di Aruba ta hopi deficiente y ta un preocupacion pa cu aviacion civil na Aruba.
Segun Milton Ponson di Rainbow Warriors, e isla di Aruba a caba di celebra su 100 aniversario di aviacion civil cu varios celebracion, y a hasta dedica un recuerdo simbolico pa cu esaki.
Pero toch aviacion civil ta enfrentando hopi reto, ademas di transiciona di practicanan di aviacion sosotenible y cu e operador di Aeropuerto ta confontando hopi obstaculo den nan deseo di bira un operacion cu ta certifica pa ta operando como uno cu tin desaroyo sostenible den mente. Toch tin di corda cu pa opera como un Aeropuerto ta rekeri hopi certifiacion, di cual hopi ta poni riba e Organizacion Internacional di Aviacion Civil (ICAO) y tambe Organizacion Mundial di Meteorologia (WMO).
Pronostico di tempo pa aviacion civil ta rekeri certificacion y standardnan minimo di operacion cu Departamento Meteorologico di Aruba tin di cumpli cune. Y esaki ta unda cu Aeropuerto di Aruba ta enfrentando un problema serio.
E organizacion ta splica cu Diamars 22 di Augustus, Tormenta Tropical Franklin a trece awacero pisa na Aruba. E ultimo update di Meteo Aruba tabata 21 Augustus 8:00 pm.
E ta algo seriamente hopi deficiente. Y te cu Diamars 22 di Augustus pa 4:20 pm, e informacion no a haya update.
Debi cu tanto autoridanan di aviacion civil, e operador di Aeropuerto, y industria turistico y publico tin di depende riba pronostico di tempo confiable, profesional y corecto pa por haci negoshi y pa publico ta safe. Pero Meteo Aruba ta cay atras pa cumpli cu e rekesitonan minimo di un Servicio Oficial di pronostica tempo, y ta trece aviacion civil y seguridad publico den peligro.
