ORANJESTAD (AAN): E ta un wega cu hopi hende gusta hunga, unda bo ta djis escoge un number consistiendo di cuatro cifra, y agrega un signo zodiacal y ya bo ta den wega di Zodiac.
Esey ta loke Rachel a haci, y a cumpra su numbernan pa purba su suerte. El a bira feliz pa mira cu su numbernan a sali.
Pesey riba Dialuna el a acudi na oficina di Lotto na Playa pa reclama su premio. Aki el a mustra nan su ticket, cu tin su firma y numbernan di banco riba dje. Ora di scan e barcode, e computer a confirma cu Rachel a gana 12.500 Florin cu wega di Zodiac.
Asina a start cu e proceso pa transferi e premio electronicamente pa su cuenta di banco. Rachel a indica cu e ticket ganador el a cumpra na Tele Uno.
