Raad van Advies a entrega conseho di hubileo na Gobernador  

ORANEJSTAD (AAN): Na ocasion di su 40 aniversario, Raad van Advies a publica un conseho di hubileo,

asina yama ‘Jubileumadvies 1986-2026’ cu e titulo ‘Fundamentele rechten en vrijheden, de rechtszekerheid en de deugdelijkheid van bestuur, een terugblik op 40 Jaar advisering door de lens van artikel 43 van het Statuut’.

   Na October tanto Gobernador Boekhoudt, President Sneek di Parlamento y Prome Minister Eman a ricibi e conseho special aki for di man di Presidente y Secretario di Raad van Advies.

   Durante e ultimo 40 aña, Raad van Advies como consehero independiente a contribui na preparacion di leynan importante cu a yuda Aruba crece den su responsabilidad como pais autonomo. Sinembargo, Raad a mira den e añanan aki tambe diferente proceso cu, pa varios motibo, no a sigui dilanti manera tabata desea.

   Publico por lesa e conseho completo  riba website di Raad van Advies:

www.rva.aw

   Den e ‘Jubileumadvies’ ta reflexiona riba varios temanan di preocupacion cu ta relaciona, directamente of indirectamente cu articulo 43 di Statuut pa Reino Hulandes cu ta un articulo crucial pa realisa y garantisa derechonan y libertadnan fundamental, siguridad huridico y bon gobernacion. Na final ta presenta algun conclusion y recomendacion.

   E potret aki pa cortesia di Kabinet Gouverneur Aruba.