Quota International of Aruba a instala tres miembro nobo y a elegi directiva

ORANJESTAD (AAN):  Quota a cuminsa su reunion di 5 di Maart na Renaissance Convention Center cu un minuut di silencio pa recorda su miembro Greta Posner-Figaroa cu recientemente a fayece.

Presidente Ivy Simon-Hernandez a lesa un emocionante homenaje pa Greta, cu tabata un miembro active pa 25 aña cu semper tabata yuda cu proyectonan di Quota pa comunidad.

            Durante e reunion, Quota a instala tres miembro nobo y a la vez a elegí un Board nobo pa 2024-2025.

            A ser instala como miembro nobo Jennifer Croes, June Geerman-Tromp y Haydee Henriquez-Hernandez.  Past President y miembro Luzina de Greef, a fungi como “Initiation Officer” den un ceremonia bunita y significativo.

            E directiva bou di Presidente Ivy Simon-Hernandez y tur e miembronan ta jama bon bini na e miembronan nobo y ta desea nan hopi exito sirbiendo nos comunidad.

            Tambe tabata tin eleccion pa un board nobo cu a ser acepta unanimamente. E Board nobo lo ser instala durante un reunion especial na Juni,  2024.

            E Board nobo di Quota pa 2024-2025 ta:

Presidente: Juliska Harms

Vice Presidente: Ivy Simon-Hernandez

Secretaria: Isabel Dammers-Alves

Tesorera: Elaine Geerman

Director di Bylaws: Farida Feliciana-Figaroa

Director di Servicio: Stella Montsanto

Director di Desaroyo y crecemento: Janique Schilders.

Tur miembro ta desea e Board nobo bou liderazgo di Juliska Harms hopi exito.