Quota a pasa varios scol pa educa nan encuanto proteccion di oido

ORANJESTAD (AAN): Quota International di Aruba tabata di bishita na diferente scol primario na Aruba.

  Nan a haci esaki como parti di nan campaña di proteccion di oido.

   Esakinan a wordo haci den forma di sesion di concientizacion na e scolnan.  Quota a bisa cu nan a bishita 10 scol, unda e experto di seguridad y boluntario Glenn Rock di WEB Aruba NV, hunto cu e miembronan di Quota Club a splica e peligro y efecto di sonido fuerte riba nan oido.

   E presentacion y demostracionnan a wordo bon ricibi, y e studiantenan a mustra gran interes den e topico aki y activamente a participa.