ORANJESTAD (AAN): Un di e weganan di mas popular di Lotto keto bay ta Zodiac.
Aki bo ta escoge un number consistiendo di cuatro cifra, y bo ta agrega un signo zodiacal y ya bo ta den wega.
Esey ta loke Quenci a haci tambe, y el a bira contento pa nota cu el a gana! Pesey mes riba Diamars el a acudi na oficina di Lotto na Playa pa reclama su premio.
Aki el a mustra nan su ticket, y despues di a revisa e firma y e numbernan di banco, a scan e barcode den computer. Mesora a haya confirmacion cu Quenci a gana 13.000 Florin cu e wega di Zodiac Merdia.
Mesora a sigui cu e proceso pa transferi e premio electronicamente pa su cuenta di banco. Quenci a indica cu e ticket ganador el a cumpra na Lucky Numbers na Oranjestad.
