ORANJESTAD (AAN): Expertonan di naturaleza e momento aki mester di yudansa di pueblo,
unda bo ta usa bo bos pa Aruba su parhanan unico. Esaki den forma di un encuesta.
Loke nos ta yama “Lora” (Yellow-shouldered Amazon) y tambe “Prikichi” (Brown-throated Parakeet), ta mas cu simplemente dos parha bunita. Nan ta forma un parti importante di Aruba su sistema ecologico, su identidad natural y cultural.
Den colaboracion cu World Parrot Trust, Durrell Institute of Conservation and Ecology - DICE, Aruba Conservation Foundation ta conduciendo un encuesta pa por compronde con abo como parti di e comunidad di Aruba ta balora e dos especienan y nan lugar riba nos isla.
Bo contribucion lo yuda pa determina strategianan di conservacion, specialmente pa e populacion di Prikichi y e programa di reintroduccion di e Lora. Pa haci e encuesta na Papiamento bay na e website aki:
Haci esaki, y asina hunto proteha loke ta haci Aruba su biodiversidad unico.
