Proyecto pa embeyece e strip di Eagle Beach a progresa

Minister Dangui Oduber

ORANJESTAD (AAN): Diabierna mainta Minister di Turismo y Salud Publico sr. Dangui Oduber ta anuncia e progreso di e proyecto pa embeyece e strip di Eagle Beach for di e retonde di Amsterdam Manor te cu e rotonde di Alhambra.

            E proyecto aki di “beautification” ta den su fase di embeyece henter e strip di Eagle Beach den cuadro di e mehoracion di nos producto Aruba y lo bay percura pa uniforma e paisahe cu floranan y piedranan blanco, mas bari di sushi pa henter e strip por keda mas organisa y miho structura pa un experiencia mas agradabel pa nos bishitantenan y nos localnan.

            Un colaboracion entre Tourism Product Enhancement Fund (TPEF), Aruba Tourism Authority (ATA), DOW y conhuntamente cu tur e general managers di e priopiedadnan hotelero cu a percura pa hunto, nan compromete pa hasi mantencion necesario den futuro. Minister ta kere den public-private partnership, unda hunto nos tur ta traha hunto pa eleva e producto Aruba.

            Finalmente Minister Dangui Oduber ta sumamente contento cu e colaboracion y cooperacion di tur “partners” cu ta haciendo e proyecto aki bira un realidad y pa sigui eleva e producto Aruba.