Proyecto Bunker na Sero Colorado ya caba ta basta avanza

ORANJESTAD (AAN): Lectornan di DIARIO por corda, con riba un Diabierna dia 23 di Januari 2026, e contratista bao supervision di DOW a cuminsa cu e proyecto di renoba y embeyece e Bunkernan cu tin riba Sero Colorado.

   E proyecto ta encera pa traha un pista pa cana entre e kust batterijnan cu tin riba e sero.  Tambe den cuadro di esaki, na e parti meymey lo traha un “muraya di beton” di honor, pa asina pone un reconocemento na varios personahe importante eynan.

   Contratista van Kessel Havenbouw NV ta esun encarga cu e proyecto aki, y nan ta calcula cu den 3 siman lo bay keda cla completamente cu e proyecto.  E potretnan aki pa cortesia di DOW, ta mustra con ya basta avanza e proyecto ta.