ORANJESTAD (AAN): Departamento di Obra Publico ta informa cu lo bay cuminsa cu trabao di asfaltamento di e caminda dilanti di e waf chikito na L.G. Smith Boulevard.
E caminda paden, cu ta core paralelo na L.G. Smith Boulevard for di banda di Eet Café The Paddock bay pabao lo bay ta cera anochi desde 3 di augustus te cu 7 di augustus 2021.
En conexion cu e trabaonan menciona Departamento di Ora Publico ta pidi tur automobilista pa no haci uzo di e caminda indica pa staciona.
E trabaonan ta tuma luga for 7’or di anochi pa 3’or di marduga y lo dura 4 anochi.
Lo indica e ceramento cu borchi y baricada di trafico.
DOW ta pidi pueblo di Aruba y tur automobilista pa tene cuenta cu e trabaonan aki y e inconveniencia cu lo por surgi pa cual nos ta pidi nos disculpa y ta gradici pa e comprension y cooperacion.
