ORANJESTAD (AAN) – Manera ta conoci, den e vacacion aki, for di 3 pa 6 di october a tuma lugar “20 Hours of Theatre”,
of na Papiamento “20 ora di teatro”. Esaki ta un iniciativa di Jeugdtheaterschool Drazans for di Curaçao cu ta wordo financia pa Prins Bernhard Cultuurfond Caribisch Gebied. Den e tayer aki, seis Director di Teatro di Aruba a traha cu hoben di e edad di 15 pa 21 aña. E seis Directornan di Teatro ta: Madelene Kelly, Jarmine Acosta, Daylan Krozendijk, Charles Croes, Ferdinand Franca y Jhon Freddy Montoya. A traha 20 ora cuminsando dia 3 di october cu un kick off y e tema a wordo revela na tur hende.
Tur e Directornan di Teatro di Aruba a traha riba e mesun tema y
nan a haci e presentacion final ta awe, dia 6 di october 2022.
E Presentacion final lo consisti di 6 obra original y lo tuma lugar na Colegio Arubano. Eynan lo practica y haci e presentacion final.
Tur e Directornan di Teatro lo haya guia di e docentenan di Drazans
durante e proceso di creacion di e diferente obra. Den e siman aki tambe
Drazans lo duna tayernan di Teatro y Baile pa docentenan y personanan cu ta interesa.
E proyecto aki a surgi pa stimula y motiva mas Director di Teatro na Aruba
pa continua cu obranan di Teatro como tambe stimula y motiva e hubentud
di Aruba pa participa na Teatro, Arte y Cultura di Aruba.
