ORANJESTAD (AAN): Segun Ronella Croes, CEO di Oficina di Turismo (ATA), awor cu e cera luna di Juni cu mas di 84 mil bishitante, por wak tambe e cifranan di e prome mitad di 2021.
E cifranan ta mustra cu a ricibi un total di 326.387 bishitante y esaki kiermen un grado di recuperacion di 57 % compara cu e prome mitad di 2019, a bisa.
Croes a agrega cu den varios ocasion a papia di 55 % y aworaki por conclui cu tur cifra di e prome mitad di aña cu e cifra di 57 %.
Ta sigui cu e desaroyonan premira pa e di dos mitad di 2021 y esaki ta di por cera aña na un grado di recuperacion di 76 % compara cu aña 2019, a splica.
E CEO di ATA a sigui bisa cu esaki ta algun aspecto importante pa loke ta trata e prome mitad di aña.
AHATA a saca su resultadonan tambe dialuna mainta y por mira cu AHATA pa loke ta trata e aña completo y unda nan ta aworaki, nan ta indica cu e grado di ocupacion pa hotelnan pa e aña aki por ta di 57 % y esey kiermen cu a recupera 67 % compara cu 2019.
