ORANJESTAD (AAN): Un di e weganan di mas popular di Lotto keto bay ta Zodiac.
Aki bo ta escoge un number di cuatro cifra, y agrega un signo zodiacal y cla bo ta.
Esey ta exactemente loke Maria a haci, y el a gana tambe. Pesey mes riba Diahuebs siman pasa el a presenta na oficina di Lotto na Playa pa reclama su premio.
Aki mesora e trahadornan a check su firma riba e ticket, y despues a scan e barcode. E computer inmediatamente a indica cu Maria a gana 25.000 Florin cu e wega di Zodiac Merdia.
Asina a cuminza e proceso pa transferi e premio electronicamente pa su cuenta di banco. Maria a indica cu e ticket ganador el a cumpra na Cura Cabay Lottery.
