ORANJESTAD(AAN)—For di prome momento cu Covid-19 a haci necesario pa paisnan Caribense uni den Reino Hulandes,
acerca Hulanda pa asistencia, Aruba a destaca pa e forma cu Prome Ministro Wever-Croes a haya un luga special den e negociacionnan cu Reino.
Por mira con Aruba a tene deliberacionnan separa cu Reino y ahusta tambe na situacionnan di Aruba y a base di plannan concreto cu Aruba por a presenta na Reino Hulandes a base di e Master Plan di Gobierno Evelyn Wever-Croes, cu ta pone un base integral pa Aruba.
Na varios ocasion Reino mes a expresa su mes riba e forma cu cambio a presenta na Aruba, cu a introduci un pakete di medida na 2018 sin midi prome e resultadonan politico cu e lo por tin pa Gobierno Wever-Croes.
Na 2018 continuamente tabata tin insinacuacionnan cu un Decision Real (un K.B.) lo a impone supervision mas estricto di Reino pa Aruba cu lo a perde su autonomia financiero y asina e base di su Statut Aparte.
Prome Ministro Wever-Croes a para firme den e cambionan di maneho cu mester a introduci na Aruba y hunto cu Hulanda a habri un epoca nobo pa e maneho financiero di Aruba, cu tabata practicamente bancarota ora Gobierno Wever-Croes a acepta responsabilidad pa Aruba na 2017.
Prome Ministro Wever-Croes a sabi di mantene un contacto continuo cu Pueblo di Aruba sin presenta ningun promesa falso y semper a mustra su vision cu si Aruba kier a mantene su autonomia, e mester a restructura su situacion financiero cu a wordo destrui dor di e maneho di debe nacional, cu a resulta den entrada di e Comision pa Supervision di Reino.
Como Presidente di e Conseho di Ministro, el a atende no solamente problemanan cu tabata bati na porta di su ministerio, pero semper a busca solucion den situacionnan di conflicto, manera accion sindical y a sabi na yega na entendimentonan cu a evita interupcion di e normalidad cu Aruba tabata tin mester pa por a enfrenta un futuro, cu te na 2020 a parce di ta solamente dificil a base di e debe nacional, e situacion financiero cu el a hereda y e necesidad pa cambia e rumbo economico di e pais, cu a wordo seriamente afecta pa e aventura di Citgo.
Na mes momento como Prome Ministro, e mester a atende casonan cu por a mishi cu e caracter di integridad politico cu e tabata propaga como su base y a tene duro na su principionan aunke na final nan a resulta hasta den caida di su Gobierno na 2021 ora investigacion di Alan Howell a cuminsa.
Na 2020 recuperacion financiero di Aruba tabata parce alcansabel y ya a cuminsa busca recuperacion economico di Aruba, cu a wordo confronta cu e pandemia Covid-19 cu a haci cu Prome Ministro Wever-Croes mester a cera porta di Aruba pa e pandemia pero tambe pa turista na momento cu henter mundo a cay den un recesion historico.
Ta na e momento aki e vision gubernamental di Prome Ministro Wever-Croes a bini dilanti. Ekipa cu un plan total pa maneho di Aruba a base di un cambio structural, el a pidi y a logra asistencia di Hulanda y den negociacion hasta a alcansa cu Hulanda a confirma cu su gobernacion a habri porta pa futuro di Aruba.
E exigencianan di Hulanda pa yudansa financiero a wordo rechasa dor di Sint Maarten y for di momento cu Curacao a bay urna electoral dor di e politiconan cu mester forma e gobierno nobo.
Den un tension nobo den Reino tur bista tabata dirigi riba Prome Ministro Wever-Croes, kende a tuma e decision historico pa sostene loke ta na interes di Aruba, cu ainda mester di asistencia pa e ciudadanonan mas vulnerabel por haya asistencia financiero y na tur forma cu nan mester.
Durante e ultimo simannan aki Prome Ministro Wever-Croes a score cerca poblacionnan di islanan Caribense y por nota cu su posicion hasta tabata tin impacto riba actitud politico na e paisnan.
Aruba pues lo keda cu tur loke el a logra den e Acuerdo cu Hulanda, alcansa pa bandona e crisis causa pa e coronavirus nobo, mientras e proyecto di vacunacion ta continua y Aruba ta lucha pa yega na e limitenan necesario pa vence e obstaculonan mas grandi di e pandemia.
Bista di Reino Hulandes ta keda fiha riba Aruba y e maneho dirigi cu a wordo hiba door di Prome Ministro Wever-Croes y cu ta wordo considera ehemplar mientras proximamente tanto Eagle LNG como e compania Quanten cu por introduci un refineria moderno pa Aruba, mester duna nan contesta cu nan lo yuda Aruba riba e caminda dirigi pa recuperacion financiero, economico y social!]
