Prome Ministro felicita trahadonan di inmigracion pa e trabao importante cu nan ta eherce

Cuerpo celebrando nan di 54 aniversario

ORANJESTAD (AAN): Recientemente Prome Minister a atende celebracion di 54 aniversario di Inmigracion Aruba.  Prome Minister Evelyn Wever-Croes den nomber di Gobierno di Aruba a felicita tur esnan cu ta traha na e departamento y gradici nan pa e tremendo trabao cu nan ta haci.

   Trabao di inmigracion no ta facil, esnan cu ta traha na inmigracion ta haya nan mes entre otro cu casonan humanitario hopi dificil pa atende y esaki ta pone un presion extra grandi riba nan trabao. Durante un encuentro amento conhuntamente cu stakeholders, Prome Minister Wever - Croes a gradici e trahdonan pa e papel importante cu nan a hunga tempo di pandemia, specialmente ora a habri frontera back.

  “Danki Dios nan tabata bon prepara y bon ekipa y cu nan tabata dispuesto pa haci e trabao y awoki ta mira cu poco poco Aruba ta recuperando na e manera cu ta recuperando.”

  Prome Minister a sigui splica cu na e ocasion tambe a toca e tema di organizacion y reorganizacion y e proximo reapertura di fronteranan maritimo cu Venezuela cu tambe ta pone presion riba nan trabao. Teniendo tur esaki na mente, Premier Wever - Cros a expresa cu ta contento cu por celebra conmemora y principalmente hunto por sigui enfrenta retonan cu tin dilanti.

  “Pabien na e director di Inmigracion Aruba sr. Andrew Hoo y tur esnan cu ta labora na inmigracion pa e trabao cu ta haci.”