KINGSTOWN: Prome Ministro di St. Vincent and The Grenadines, esta Dr. Ralph Gonzalves a keda herida mey-mey di un protesta grandi cu tabata andando Diahuebs anochi na e capital Kingstown.
Prome Ministro a haya un pida baranca na su cabez y a keda herida.
E protestanan ta contra cambionan den Ley di Salud Publico, cu lo bay haci vacuna di Covid-19 uno obligatorio.
Vacuna contra otro malesanan cu por causa un emergencia di salud publico, lo bay bira obligatorio tambe.
Net e ora ey Prome Ministro tabata rumbo pa Parlamento unda e proyectonan di ley aki ta wordo debati riba Diahuebs, ora cu e incidente a socede.
Videonan cu a circula riba Social Media a mustra con su cara banda drechi tabata sangra profusamente, mientras cu hendenan di seguridad ta yude sali di e area.
