Prome Ministro a pasa combersa cu tur hende na Expo Feria pa Dia di Hende Muhe

ORANJESTAD (AAN): Diadomingo a tuma luga un “Expo-Feria” na Centro di Bario Dakota den conexion cu Dia Internacional di Hende Muhe cu ta e siman aki 8 di maart.

   Prome Minister Evelyn Wever-Croes a hiba palabra expresando gran felicidad na e ocasion pa mira comunidad bini hunto y sostene otro. Ademas a enfatisa riba e importancia pa pone atencion riba Dia Internacional di Hende Muhe y reconoce con leu e ser femenino a yega, kico tur e tin acceso di dje y tur locual e por logra.

   Segun Prome Ministro, ta necesario pa keda stimula nos muchanan hobennan y hende muhe adulto. Ta gradici cada un persona pa a forma parti di e dia y e actividad y tambe na e organizadornan pa bin cu algo asina grandi.