Prome Minister Wever-Croes a reuni cu delegacion di European News Exchange

ORANJESTAD (AAN): Prome Minister Evelyn Wever-Croes a reuni cu algun miembro di European News Exchange (ENEX), Sr. Adrian Wells (Managing Director ENEX),

sr. Juan Carlos Isaza (Managing Director AIL) y señora Ivanya Penalver (Regional Coordinator ENEX). E encuentro aki a tuma luga prome cu e reunion anual cu lo tuma luga na Curaçao. 

   E organizacion ta consisti di miembronan di prensa di diferente pais y e conferencia grandi aki cu lo tuma luga na Curaçao ta tuma cada aña.  Prome cu nan a bay Curaçao pa atende esaki nan a pasa Aruba y a reuni cu Prome Minister di Aruba. Den e reunion a trata varios tema entre otro con Aruba a maneha Covid y vacunacion. 

   Ta importante pa remarca cu Aruba ta worde admira pa e forma con a maneha e diferente olanan den e pandemia y esey ta algo cu nan tabata hopi interesa den dje. 

    Un otro tema cu segun Prome Minister e delegacion tabata interesa den dje tabata ta e tema di Venezuela y e impacto di e crisis interno di e Pais, riba Aruba. Considerando e cantidad grandi di migrante for di Venezuela. 

Importante ta cu como Aruba, e casonan cu Aruba ta atende por ehempel Covid of e crisis migratorio di Venezuela, ta casonan cu ta worde considera como casonan exitoso cual ta haci cu Aruba ta haya un renombre mundialmente, Prome Minister a splica.