ORANJESTAD (AAN): Diasabra atardi, Prome Minister di Aruba, mr. Mike Eman, a ricibi su homologo Hulandes,
Prome Minister Dick Schoof, na su oficina na Cocolishi pa un reunion formal y strategico.
Durante e reunion cu henter conseho di minister a dialoga riba e lasonan politico y di cooperacion entre Aruba y Hulanda. Despues, Prome Minister Eman y Premier Schoof a cana hunto pa Fort Zoutman, caminda nan a planta un mata di Wayaca, simbolo di autosuficiencia y resiliencia Arubano.
E mata Wayaca, cu ta sobrevivi den secura y florece den tempo di bonansa, ta representa e spirito fuerte y speransa di nos pueblo.
E acto conhunto aki ta simbolisa tambe e cooperacion entre Aruba y Hulanda pa medio di Universidad di Wageningen pa e programa reforestacion cu Premier Mike Eman como Minister di natutarelesa ta preparando cu Aruba Conservation Foundation y Directie Natuur en Milieu conhuntamente cu stakeholdersnan.
