Prome grupo di 114 becado a yega bon

 ORANJESTAD (AAN): Diahuebs mainta ora di Hulanda, e prome grupo di 114 becado procedente di Aruba a yega bon. 

Na Aeropuerto di Schiphol, e comision di Arubahuis a ricibi nan un biaha mas cu hopi atencion, y cu guia esencial pa unda nan tin di sigui cana.

   Ministro Plenipotenciario di Aruba na Hulanda, señora Milly Schwengle tambe tabatey pa asina na nomber di Kabinet di Aruba na Hulanda duna nan bon bini y desea nan exito den nan estudio.

   Awe den DIARIO tin mas potret di nan salida na Aruba, y tambe potret di nan yegada na Hulanda.