ORANJESTAD (AAN): Minister di Defensa Ruben Brekelmans di 6 pa 8 di januari lo bishita e islanan Corsou, Aruba y Sint Maarten.
E bishita ta den e cuadro cu e unidadnan di Defensa cu ta ubica eynan y cu nan tareanan den Region Caribe. Na Corsou e Minister lo bishita Base di Marina na Parera, Kazèrne di Marina na Suffisant y e Tereno di Ehercicio na Wakawa.
Na Aruba e lo bishita Kazerne di Marina na Savaneta. Riba Diaranson, 8 di januari e lo bishita tanto Wardacosta como e punto di sosten di Marina na Point Blanche, cual ta e base mayor di e destacamento di Marina na Sint Maarten.
Banda di e introduccion na e diferente unidadnan di Defensa, e Minister lo brinda un bishita na e Gobernadornan y Prome Ministernan di e Paisnan den Caribe Hulandes.
