ORANJESTAD (AAN): Despues di un curso educacional tocante Combati Malesanan Contagioso ofreci durante e conferencia di DuCaPHen na Curacao y Sint Maarten na oktober 2023,
profesionalnan di Dutch ‘Caribbean Public Health Expertise Network’ mihor conosi como DuCaPhen, a ripiti e training na departamento di Salud Publico y otro instancia cu ta traha na prevencion y combati malesanan contagioso na Aruba.
Durante e siman di 8 april, un total di 22 profesionalnan di diferente disciplina cu ta traha departamento den salud publico, cuido di hoben, epidemiologia y protocol a sigui un siman largo y intensivo di training cu enfasis na conocemento basico, programanan varia consistiendo di teoria y session di practica. Esaki ta extende na conocemento nobo di microbiologia, midimento di contagion, diagnostico, vacunacion, epidemiologia, monitoreo y finalmento con pa implementa maneho y legislacion aki na Aruba.
Salud Publico ta orguyoso di por a duna aporte durante e proceso aki y ta desea nos profesionalnan exito cu e conocemento nobo. Salud Publico ta pone enfasis riba e importancia di crea un red di comunicacion caminda cada organizacion den salud publico ta colabora hunto y crea concientizacion den nos comunidad.
