Informacion pa viahero - ORANJESTAD (AAN): October vakantie ta den porta y hopi ciudadano tin nan pasashi cumpra pa viaha bay diferente pais.
E unico cos cu por ta nan falta ta nan COVID-19 test negativo pa por drenta e pais cu nan ta bay bishita.
No ta tur pais ta exigi un COVID-19 test pa por drenta, pa sa cua pais ta exigi esaki ta necesario pa e viahero informa su mes di esaki cerca e aerolinea cu e ta bay biaha cu ne.
DVG pa e motibo aki kier informa cu pa haci e COVID-19 test necesario pa por biaha ta necesario pa e viahero tuma contacto cu un laboratorio cu ta brinda e servicio di testing dentro di e tempo stipula.
Pa haci un COVID-19 test pa por biaha e ciudadano NO mester yama dokter di cas, tampoco mester yama DVG y no mester aplica pa e test via e sistema di test online.
E procesonan aki ta unicamente pa personanan cu tin sintoma di COVID. Pues pa por rekeri un COVID-19 test pa por biaha e viahero mester tuma contacto cu un laboratorio cu ta brinda e servicio di test pa laga haci e COVID-19 test necesario.
