Relaciona cu proyecto piloto Intervencion Trempan
ORANJESTAD (AAN) – E lider di e proyecto piloto “Intervencion Trempan pa Muchanan cu Necesidad Special señora Anouk Eman a expresa, den conferencia di prensa, su satisfaccion, cu e di dos reunion cu e Grupo PITA (Plataforma Intervencion Trempan Aruba) .
El a menciona cu hopi bunita pa wak asina tanto organizacion bin hunto pa asina yega na un sistema pa Aruba. El a agrega cu e ta hopi contento cu docter Kelly tabata tey atrobe. El a participa den e prome reunion na Juni ultimo tambe, y lo bolbe Aruba dia 28 di November.
“Nos ta bay cuminza cu e proceso di screening den e centronan di cuido na Aruba; nos ta bay cuminza cu un grupo piloto di 30 mucha. Ayera ami cu mi colega Carolina tabata tin nos prome reunion cu e grupo cu nos a scoge. No a haya un lista di CBS aña pasa na momento cu nos tabata haciendo e meeting, unda cu nan ta indica cu nan ta ofrece servicio na muchanan cu necesidad special. Nos a scoge e lista ey di 22 centro di cuido na Aruba, pa asina nos por haya e cuponan di 30 mucha cu nos ta bay cuminza screen, y ora dr. Kelly bin dia 28 of 19 di November, e hunto cu Carolina y su persona, tres persona di Fundacion pa Nos Muchanan lo bay wordo entrena den e parti di screening.
Esaki ta un screening completamente diferente na assessment (evaluacion). Nan ta bay wordo entrena pa e mayornan mes hunto cu e muchanan na cas. Esaki no ta obligatorio. E ta entre e mayornan y e ‘Day Cares’ cu kier forma parti di e proyecto aki. Nos a traha hunto cu University Missouri Kansas, unda cu nos ta puntra autorizacion na mayor y e day care, y nan mester firma esaki, y no solamente entregue na nos pero tambe na University Missouri Kansas.
Ora cu nos haya e resultado di screening, cu ta e milestones matter, nan ta indica unda tin potencia delay den un mucha, unda cu nan ta comunica cu nos y ami cu Carolina ta bay haya training for di docter Kelly tambe, den e dos evaluacionnan cu ta e M-chat y e DC2. Nos ta bay ‘deeper’ pa wak kico di berdad ta e consensus cu nos ta wak den e milestones matters”, Eman a splica.
El a agrega cu e ta hopi entusiasma cu esaki, y cu e reunion di Diahuebs anochi a bay hopi bon, y ya caba e centronan di cuido cu kier forma parti di e proyecto aki, a haya hopi bon cooperacion cu mayornan y esey ta un noticia hopi great mes pa nan tur, y nan tin intencion cu pa fin di e luna aki cuminza screen e muchanan y haya un bista riba esnan cu pa hopi aña caba no a ricibi atencion, y cu por fin awo si ta bay haye.
