Rensley Mathilda, director EPB-San Nicolas:
- Y como Fundacion EPB ta purba proteha e alumnonan
ORANJESTAD (AAN)-- Den entrevista cu Director di Stichting Educacion Basico San Nicolas (EPB-San Nicolas), meneer Rensley Mathilda, a referi tambe na e problemanan social cu ta afecta diferente alumno, pa locual EPB San Nicolas, tambe tin un sistema pa proteha e muchanan.
“Nos como Fundacion tin area cu nos ta scoge pa cierto scolnan cay bao San Nicolas, y cierto scolnan bao Oranjestad, unda cu nos ta zorg pa proteha cada scol di tur cos: 1. Pa bo no tin un bomb den un scol, 2. Pa tur muchanan wordo carga den e forma corecto. Asina ey nos ta wak cada biaha. Pero enberdad problema social semper tey y semper ta keda como un reto. Anto e reto ta con nos ta solucione. Nos ta purba manda carta trempan, informa e mayornan trempan corda nan riba e schoolgeld cu nan tin cu paga.
Nos ta bringando tur aña cu e maneho financiero y di un banda mi ta gradici cu te aworaki nos schoolgeld ta esun di mas barata na Aruba. 280 Florin so pa eerste, tweede y derde klas 330 Florin pa esnan di klas 4. Kiermen, nos ta reuni hopi riba e parti di finanzas, y asina mes cu tin necesidad nos ta purba di yuda, pero si nos ta pidi tur mayor haci bo maximo pa e 280 Florin, pa pague” meneer Marthina a menciona.
El a señala cu enberdad tur cos a bira digital, nan ta mara na e parti di credito internacional, cu nos ta registra. “Pues unda cu bo bay, e parti bunita su tras ta, y esey ta conta pa Colegio EPI tambe, bo por bay Spaña, Hulanda, unda cu bo kier pasobra e ta mara na un nomber internacional. Pues e calidad cu bo ta ricibi ta hopi bon den esaki” meneer Mathilda a splica.
Finalmente, meneer Marthina a expresa cu e ta gradici polis, prensa cu ta yuda e scol, diferente fundacion cu a yuda nan, pasobra scol so no por cargue. E ta gradici mayornan tambe, y e ta pidi despensa cu tin biaha nan tin cu wordo yama pa cosnan menos bunita pero hunto nan tin cu hacie. Pero tambe si e yiu ta bon na scol tambe nan ta yama e mayor y bise “masha pabien”.
Como director loke ta haci meneer Mathilda y dune mas gozo ta ora e por entrega e alumno su diploma, cu di tur e desaroyonan cu el a wak cu e por a pasa den stage, y cu ta exitoso, y despues wak’e den un trabao, cu ta nos dushi tera e ta hiba dilanti, y nos bandera e ta lantando, la parti di loke señor Rensley Mathilda a expresa finalmente.
