Prome Minister Eman riba resultado di eleccion na Hulanda
ORANJESTAD (AAN): Resultadonan di eleccion di diaranson ultimo na Hulanda, a refleha riba un cambio importante. Prome Minister Mike Eman a felicita Hulanda pa e resultado y ta desea nan un periodo di formacion exitoso.
Segun Prome Minister a expresa, partidonan D66 y CDA a bay hopi dilanti den e eleccion aki y a resulta e partidonan ganador. “Ambos partido ta esencial pa e siguiente gobernacion y ambos cu un trayectoria amplio y bon sentido di comprendemento y curason habri di kico ta e necesidad di islanan di Reino den Caribe”, Prome Minister Eman a expresa.
Prome Minister a remarca cu el a sinta cu Rob Jetten D66, kende probablemente lo ta e Minister President di Hulanda. “Y den conbersacionnan hunto cu señor Jetten y señor Bottenbal di CDA, a papia extensamente riba e deseonan di nos islanan den Reino, riba relacionnan den Reino. Mi ta hopi contento cu e resultado aki probablemente ta bay duna un gobierno cu un sentido grandi di interes pa nos isla”, Prome Minister Mike Eman a agrega.
