Prinses Beatrix a disfruta di un atardi den naturalesa 

ORANJESTAD (AAN): Diahuebs atardi, Prinses Beatrix a disfruta di un atardi den naturalesa, cu un splicacion extenso di Park Rangernan y nan esfuersonan riba proteccion di naturaleza y medio ambiente riba e isla.

   Prinses Beatrix a keda hopi impresiona y a haci varios pregunta na e Park Rangernan cu a gui'e tanto na Rooi Taki, na unda Prinses Beatrix a wak e mangrovenan, como tambe di e shoconan  na Rooi Frances.

  Prinses Beatrix ta na Aruba riba invitacion di Dutch Caribbean Nature Alliance, cu lo ta acompañando su persona pa bishita e otro islanan den Caribe. E agenda pa e dia aki ta inclui bishita na Telefon pa Hubentud u participacion na e congreso di DCNA cu lo tuma luga na Universidad di Aruba.

   Riba combinacion di potret por mira mas di e bishita special aki.