E prijs mundial di petroleo ta cambia tur dia pero no e prijs na publico
*Un Euro fuerte ta keda te awe casi 2 Florin contra 1 Euro
*Comercio a bati alarma pa e peligro Dollar/Euro cu DIARIO a expone
ORANJESTAD(AAN)—For di momento cu tarifanan a subi mesa y mundialmente a cuminsa cu aumento di tarifanan pa Merca mientras instabilidad a anuncia su mes riba prijs di petroleo, DIARIO a bati alarma, cu lamentablemente no a haya oido.
Awe por tuma nota di reaccionnan riba un situacion comercial mundial, cu DIARIO a base di sosten experto di su investigacionnan internacional, a presenta como advertencia na Aruba.
Na un idioma cu tur hende por comprende, DIARIO a mustra riba e realidad di Florin Arubano cu ta mara na Dollar y DIARIO a papia di e temor cu tin na Merca, pa Dollar no devalue y asina Florin di Aruba, wordo ranca y hiba den problema grandi.
Ta un satisfaccion pa DIARIO cu awor un representante di Comercio a trece e problema serio dilanti, manera publicacion den DIARIO ayeramainta a presenta.
E pregunta cu tabata central pa DIARIO pero no a ricibi ningun atencion oficial den circulonan cu mester a duna splicacion, awor ta wordo pues presenta dor di comerciante cu ta puntra kico lo pasa si Dollar devalua.
Mester splica aki cu ora papia di Devaluacion, ta papia di un proceso final di un desaroyo cu ya ta presenta su mes den cual e Florin di Aruba mara na Dollar a perde su balor enfrente Euro, manera mas cu un luna largo DIARIO a bini ta adverti.
Te awe por nota cu Euro a keda fuerte enfrente Dollar y cu ainda Euro mas cu dosDos Dollar pa un Euro, loke tin impacto directo pa e Florin di Aruba, cu ta mara na Euro.
Ora mira kico ta pasa riba tereno economico mundial, ta topa cu un prijs di azeta cu ta mara directamente na e base di desaroyonan mundial cu ta garantisa stabilidad of ta indica instabilidad, a bolbe baha ayera den un situacion mundial desaordena.
Esaki tin su resultado awor anuncia dor di paisnan petrolero, cu ta duna prueba di e problema cu nan ta encontra cu prijs di petroleo instabil cu tambe directamente ta afecta normalidad di comercio internacional y local.
Hunto cu expertonan DIARIO nunca a stop di vigila e situacion, cu ta ilustra con prijs di petroleo ta causa problemanan indirecto y desconoci pa publico pa sigur e comerciante chikito.
E prijs di petroleo cu awe Aruba mester cumpra no ta mara na e prijs di awe den hopi instancia pero na e cu a wordo palabra prome cu compra di azeta.
Ora establece e prijs pa productonan di azeta no solamente di gasolin pero tur loke ta uza azeta na mundo, manera articulo di plastico, ta mira diferencia casi diario, di e costo di produccion di articulonan cu lo dicidi pa e costo pa consumidor finalmente.
Normalmente prijs por subi y baha un poco diariamente riba tereno mundial. Esaki ta e alma por ehemplo di e bolsa di balor, caminda hende ta cumpra y bende efectonan di bolsa.
Sinembargo, si mira kico a pasa cu prijs di petroleo, cu ta un producto no solamente pues pa gasolin y transportacion, ta mira un shock den e prijsnan cu te awe no a restablece.
E base mundial comercial ta den suspenso. Esaki ta e peligro grandi pa comercio, cu ta alma ehecutivo di economia mundial, cu na e momentonan aki e armamento pa guera ta haci productivo.
Pero kico tanto e balor real di Dollar y asina directamente Florin enfrente otro monedanan lo por nifica, ta keda e suspenso grandi y un preocupacion cu DIARIO a presenta for di momento cu el a nace y te awor cu ta cuminsa expresa temor real, pa loke e resultadonan por ta pa Florin di Aruba, mara na Dollar, sigur pa un pais di Reino Hulandes, cu Hulanda cu un Euro cu un balor dobel e Florin di Aruba, manera DIARIO a adverti.
