Minister Geoffrey Wever:
ORANJESTAD (AAN): Durante un conferencia di prensa Diamars mainta, minister di Asuntonan Economico Comunicacion y Desaroyo Sostenible Geoffrey Wever a anuncia cu prijs di gasolin ta bay baha cu 13.1 cent entrante awe.
Esaki ta nifica cu e prijs pa liter ta baha te na 2.55 florin pa liter, cu ta un reduccion di 4.9%.
E mandatario a bisa tambe cu prijs di diesel ta bay baha cu 10.5 cent, hibando e prijs na 2.59 florin pa liter cu ta representa un reduccion di 3.9%.
“Prijs di gasolin y diesel pues a baha un biaha mas, pero nos ta mira si cue desaroyo internacional a demostra caba cu e periodo nos dilanti posiblemente e prijs ta bay subi atrobe”.
Un bari di petroleo awe ta na 90 dollar y recientemente OPEC a anuncia cu ta bay reduci produccion di petroleo cu alrededor di 2 miyon di bari pa dia.
Esaki ta pone cu e prijs riba mercado internacional ta bay sigui subi, segun Wever.
El a sigui bisa cu e cifranan ta bayendo mas mihor, pero tur cos ta sigui depende di e mercado internacional.
