ORANJESTAD (AAN): Tabata Diamars mainta alrededor di 8:00 am, cu un accident a socede riba Avenida Nelson Oduber for di Palm Beach direccion Bubali, un tiki pazuid di ex-House of Cheng.
Chauffeur di un Mitsubishi Evolution color cora a bay den un scual riba e caminda aki, baha banda drechi di caminda, ranca full un borchi di trafico, draai rond y finaliza dilanti un palo di luz.
Mesora yamadanan a cuminza drenta na Central di Polis encuanto e accident aki.
Trafico riba e dos vianan aki a stagna pa basta rato, como cu e auto a keda parcialmente riba e caminda.
Polis a yega y bin haya e auto basta destrui banda di caminda. E chauffeur a sali y tabata papia cu Polis. Agentenan a puntre si e mester di yudanza medico, y el a bisa cu e ta bon y ta OK.
Mientras cu a cuminza atende pa revisa su rijbewijs y demas documentonan, diripiente e chauffeur hoben a bisa Polis cu el a cuminza sinti malo.
Esey tabata suficiente pa Polisnan a pidi presencia di Ambulans pa bay na e lugar, pa asina e wordo atendi.
Daño material ta considerable, y cu Takelwagen e Mitsubishi a wordo kita di eynan.
