ORANJESTAD (AAN) — Den conferencia di prensa cu a tuma lugar na Compra NV, unda e evento “Banana Run”
a keda anuncia pa su director Hubert Dirksz, tambe señora Endrah Richardson-Gumbs, Presidente di Kiwanis Club San Nicolas, a hiba palabra.
E dama a cuminza expresando su gradicimento grandi na Compra NV, pa su donacion. El a menciona cu Kiwanis Club San Nicolas, ta bezig cu tur sorto di actividad pa e comunidad y e muchanan di Aruba. E luna aki mes nan ta bezig cu nan summer camp, y e donacion cu e club a ricibi di e compania, ta bay yuda nan hopi.
“Aki un par di siman nos tin nos bek to school, unda nos ta duna muchanan den comunidad nan back pack cu e materialnan di scol cu nan mester y tambe uniform y keds. Kiermen, nos ta duna nan un pakete completo pa nan cuminza nan aña” Richardson-Gumbs a duna di conoce.
El a reitera su palabranan di gradicimento pa e compania y tur comerciante cu ta pensa riba San Nicolas y comunidad. El a expresa cu tur donacion ta bon bini, y asina tur ta traha hunto pa un Aruba.
