ORANJESTAD (AAN) – Stanley Dabian, Relacionista Publico di Departamento di Cultura Aruba (DCA),
a presenta, den conferencia di prensa cu a tuma lugar na UNOCA, un parti di e elenco cu lo presenta e comedia di Faritha Luidens “Amiganan pa semper”, den Cas di Cultura: esta, Faritah, cu ta ademas di actriz, autor, director, promotor, productor, di e obra; Nilka Franca, y Edjean Semeleer.
Departamento di Cultura ta haci un invitacion na pueblo di Aruba pa presencia e obra aki y apoya e talentonan local. Den e obra di teatro aki tur disciplina ta presente. E lo tuma lugar dia 2 y 3 di September proximo pa 8 or den Cas di Cultura.
