Presentacion Militar na Apertura di Aña Parlamentario

ORANJESTAD (AAN): Cu disparo di salvo y ceremonia Militar diamars mainta Defensa tabata presente na apertura di Aña Parlamentario na Aruba y Corsow.

E presentacion Militar ta tradicional y ta marca e lasonan entre politica y forsa Arma, na inicio di e aña politico nobo.

E presentacion militar na aperturanan di Parlamento tabata tanto na Aruba como na Corsow. Na Corsow tabata presente destacamentonan di Ehercito Real (Compagnie in de West) y Milicia di Corsow.     

Na Aruba tabata presente Escuadron di Marina Carib. E ceremonia den ambos pais a keda eherce pa musica di tambulero y gaitero di Cuerpo di Marina. Ademas na Corsow desde Forti Krommmelijn a dispara salvo. 

Na Sint Maarten e presentacion militar a keda anula na apertura di Parlamento pa motibo di e situacion rond di COVID eynan.