Prensa Peruano a mustra interes den bishita di Prome Minister Mike Eman

ORANJESTAD (AAN): Durante su bishita oficial na Peru, Prome Minister Mike Eman a wordo entrevista pa

diferente medio di comunicacion importante, entre otro Latina Noticias, RPP Noticias, Diario Gestion y Revista Stakeholders.

   Den e entrevistanan, Prome Minister a papia riba e relacion creciente entre Aruba y Peru, e oportunidadnan pa turismo y comercio, conectividad aereo y e posibilidad pa Aruba funciona como un hub entre Reino Hulandes y Latino America. Tambe a destaca e contribucion di comunidad Peruano na desaroyo di Aruba.

   Eman a representa Aruba y Reino Hulandes na instalacion di Presidente Keiko Fujimori. Durante su estadia, e mandatario a tene encuentro cu presidente Fujimori, presidente di Paraguay Santiago Peña y diferente otro lider politico di region durante e actonan protocolario. Su programa a inclui reunion cu representante di sector agricultura, turismo, exportacion, sostenibilidad y energia. Entre e temanan trata tabatin exportacion di producto peruano pa Aruba, siguridad, maneho di awa, cambio climatico y colaboracion cu Wageningen University & Research.

   E cobertura di prensa a contribui na duna Aruba mas visibilidad den Peru y presenta nos isla no solamente como destino turistico, sino tambe como socio comercial y centro potencial di conocemento y cooperacion pa e region.